ရှင်သန်သောယုံကြည်ခြင်း
ဆမ်၏အဖေသည် စစ်တပ်အာဏာသိမ်းစဥ်တွင် အသက်လုကာ ထွက်ပြေးခဲ့ရ သည်။ ရုတ်ခြည်း ဝင်ငွေပြတ်လပ်သွား၍ ဆမ်၏မိသားစုသည် သူ့ညီကို အသက် ဆက်ပေးနေသည့် အရေးကြီးသောဆေးဝါးများကို မဝယ်ယူနိုင်တော့ပါ။ ဆမ်သည် ဘုရားရှင်ကို အလွန်ဒေါသထွက်ကာ "ဤအဖြစ်မျိုးခံစားရလောက် အောင် ကျွန်တော်တို့ ဘာများလုပ်ခဲ့မိသလဲ"ဟု တွေးခဲ့မိသည်။
ယေရှုကိုယုံကြည်သူတစ်ဦးက ဆမ်မိသားစု၏ပြဿနာများကို ကြားသိသွားပြီး သူ၌ ဆေးဝယ်ရန် လုံလောက်သောငွေရှိသောကြောင့် သူသည် ဆေးဝယ်ပြီး ဆမ်၏မိသားစုထံသို့ ယူသွားပေးခဲ့သည်။ သူစိမ်းတစ်ဦးထံမှရရှိသော အသက်ကယ် လက်ဆောင်သည် လေးနက်စွာ အကျိုးသက်ရောက်ခဲ့သည်။ "ဒီတနင်္ဂနွေနေ့ကျရင် ဒီလူရဲ့ဘုရားကျောင်းကို သွားတက်ကြရအောင်" ဟု သူ့အမေက အတိအလင်း ပြောခဲ့သည်။ ဆမ်၏ဒေါသလည်း လျော့ပါးလာခဲ့ပြီး နောက်ဆုံးတွင် မိသားစုဝင် အားလုံး တစ်ယောက်ပြီးတစ်ယောက် ယေရှုကိုယုံကြည်လာခဲ့ကြသည်။
ယေရှုခရစ်ကို ယုံကြည်ကြောင်းဝန်ခံမှုနှင်အတူ သိက္ခာသမာဓိရှိသော ဘဝ ရှင်သန်မှုသည် လိုအပ်ကြောင်း ရှင်ယာကုပ်ရေးသားရာ၌ အခြားသူအား ဂရုပြု စောင်မရန်လိုအပ်မှုကို…
ဘုရားသခင်ကိုတောင့်တခြင်း
ကော်နာ နှင့် စာရာစမစ် တို့သည် လမ်းမကြီးမှ အထက်ပိုင်း ၅ မိုင်အကွာရှိနေရာသို့ ပြောင်းသွားသောအခါ သူတို့၏ကြောင် စမိုးစ် သည် ထိုနေရာကို မနှစ်သက် ကြောင်း အိမ်မှထွက်ပြေးခြင်းဖြင့် ဖော်ပြခဲ့သည်။ တနေ့တွင် စာရာက သူတို့ယခင် အိမ်ပုံကို လူမှုကွန်ယက်တွင်တွေ့လိုက်ပြီး ဓာတ်ပုံထဲ၌ စမိုးစ် လည်း ပါနေသည်။
ဝမ်းမြောက်ဝမ်းသာစွာဖြင့် စမစ်တို့ဇနီးမောင်နှံသည် ကြောင်လေးကိုပြန်ရှာ တွေ့ခဲ့သည်။ သို့သော် စမိုးစ် သည် တစ်ဖန် ထွက်ပြေးပြန်သည်။ သူဘယ်ကို သွားသနည်း။ ဤတစ်ကြိမ်တွင် ထိုအိမ်ကို ဝယ်လိုက်သည့်မိသားစုက စမိုးစ် လေး ကိုလည်း ဆက်လက် လက်ခံထားရန် သဘောတူခဲ့သည်။ စမိုးစ် လေး "အိမ်"သို့ အမြဲပြန်နေသည့် ရှောင်လွဲမရသည့်ကိစ္စကို စမစ် တို့ မဟန့်တားနိုင်ခဲ့ပါ။
နေဟမိသည် ရှုရှပြည်ရှိ ဘုရင့်နန်းတော်တွင် ရာထူးဂုဏ်ရှိန်မြင့်မြင့်ဖြင့် တာဝန်ထမ်းဆောင်ခဲ့သည်။ သို့သော်…
အဲဒီမှာ ဘုရားသခင်ရှိတယ်
သြဗရီ သည် သက်ကြွယ်အရွယ်ဖခင်ကြီးအတွက် သားမွေးကုတ်အင်္ကျီတစ်ထည် ဝယ်ယူခဲ့သော်လည်း ၎င်းကို မဝတ်လိုက်ရမီမှာပင် ဖခင်ကွယ်လွန်သွားသည်။ ထို့ကြောင့် သူသည် ခွန်အားပေးစာတိုလေးတစ်စောင်နှင့် ဒေါ်လာ ၂၀ တန် တစ်ရွက်ကို အင်္ကျီအိတ်ထဲထည့်ကာ လူမှုရေးအဖွဲ့သို့ ပေးလှူခဲ့သည်။
မိုင် ၉၀ ကွာဝေးသည့်အရပ်တွင် သူ့မိသားစု၏ အဆင်မပြေမှုဒဏ်ကို မခံနိုင်တော့၍ ၁၉ နှစ်အရွယ် ကယ်လီ သည် ကုတ်အင်္ကျီကိုပင် ကောက်မဝတ်နိုင်တော့ဘဲ အိမ်မှထွက်လာခဲ့သည်။ သူသွားနိုင်သည့်တစ်ခုတည်းသောနေရာမှာ သူ့အတွက် ဆုတောင်းပေးနေသည့် အဘွား၏အိမ်သည်သာ ဖြစ်ကြောင်းကို သူသိထားသည်။ နာရီပေါင်းများစွာ ကားစီးခဲ့ပြီးနောက် ဘတ်စ်ကားပေါ်မှအဆင်း အဘွား၏ရင်ခွင်ထဲ ပြေးဝင်ခဲ့သည်။ ဆောင်းလေအေးဒဏ်မှ သူ့ကိုကာပေးရင်း "သားအတွက် ကုတ်အင်္ကျီတစ်ထည်ဝယ်ရအောင်"ဟု အဖွားက ပြောသည်။ သာသနာပြု စတိုးဆိုင်တွင် သူကြိုက်သည့်ကုတ်အင်္ကျီကို ကယ်လီ စမ်းဝတ်ကြည့် လိုက်သည်။ အင်္ကျီအိတ်ထဲလက်နှိုက်လိုက်ရာ ဒေါ်လာ ၂၀ တန် ငွေစက္ကူတစ်ရွက်နှင့် သြဗရီ…
မမြင်ရသော မြင်ကွင်း
ယူရီ ဂါဂါရင် (Yuri Gagarin)သည် အာကာသသို့ ပထမဆုံးရောက်ရှိသည့်လူသား ဖြစ်လာပြီးနောက် ကမ္ဘာမြေသို့ ပြန်ဆင်းလာသောအခါ သူ့လေထီးမှာ ရုရှား ကျေးလက် ဒေသ၌ ကျခဲ့သည်။ လယ်သူမတစ်ဦးသည် လေထီး ၂ ခုကို ဆွဲထုတ်နေသော ဦးထုပ်ဆောင်းထားဆဲ လိမ္မော်ရောင်ဝတ်စုံနှင့် အာကာသ ယာဉ်မှူးကို တွေ့ပြီး "ရှင်၊ အာကာသက လာတာလား" ဟု တအံ့တသြ မေးလိုက် ရာ ဂါဂါရင်က "အမှန်တိုင်းပြောရရင် ဟုတ်ပါတယ်"ဟု ပြန်ဖြေလိုက်သည်။
ဆိုဗီယက်ခေါင်းဆောင်များက သမိုင်းဝင်အာကာသခရီးစဥ်အား ဘာသာရေးကို အယုံကြည်မရှိသော ဝါဒဖြန့်ချိရေးအဖြစ် ပြောင်းလဲခဲ့ခြင်းက ဝမ်းနည်းစရာဖြစ်သည်။ "ဂါဂါရင် က အာကာသကို သွားခဲ့ပေမယ့် အဲဒီမှာ ဘာဘုရားမှ သူမမြင်ခဲ့ရဘူး" ဟု သူတို့၏ဝန်ကြီးချုပ်က ကြေညာခဲ့သည်။ (ဂါဂါရင်ကိုယ်တိုင် ထိုသို့ မပြောဆိုခဲ့ပါ)။ ဆရာကြီး စီအက်စ် အက်စ်လူးဝစ် (C. S.…
အနာရောဂါငြိမ်းစေသောသစ်ပင်
McLaren 720S ပြိုင်ကားအသစ်တစီးကို ဒေါ်လာ ၃ သိန်းဖြင့် ဝယ်စီးနိုင်သည်။ ထိုကား၏ V8 အင်ဂျင်စက်သည် မြင်းကောင်ရေ ၇၁၀ အားရှိသည်။ နံနက်ခင်း အလုပ်သွားရန် လိုအပ်သည့် စွမ်းအင်ထက်များစွာ ပိုလျှံနေသည်။
သင်သည် သေချာပေါက် ထိုအင်ဂျင်၏စွမ်းအင်အားလုံးကို အသုံးပြုချင်စိတ် ပေါက်ပေလိမ့်မည်။ ဗာဂျီးနီးယားနယ်သားတစ်ဉီးမှာမူ သူ၏ McLaren ပြိုင်ကား သည် အလွန်"မြန်"သောကြောင့် သားနားသော ကားအရောင်းပြခန်းမှ ကားသင်္ချိုင်းသို့ ၂၄ နာရီအတွင်း ရောက်သွားကြောင်း သင်ခန်းစာရခဲ့သည်။ သူသည် ကားဝယ်ပြီး နောက်တစ်ရက်တွင် ထိုကားနှင့်သစ်ပင်ကို ဝင်တိုက်ခဲ့မိ သည်။ (ကျေးဇူးတော်ကြောင့် သူ အသက်မသေခဲ့ပါ။)
သမ္မာကျမ်းစာ၏တတိယအခန်းကြီးတွင် ဆိုးဝါးသည့် ရွေးချယ်မှုနှင့် အပင် တစ်ပင်က ဘုရားသခင်၏ကောင်းသောဖန်ဆင်းခြင်းကို မည်ကဲ့သို့ စွန်းထင်းသွား စေသည်ကို ကျွန်ုပ်တို့သိရသည်။ အာဒံနှင့်ဧဝသည် သူတို့ရှောင်ကြဥ်ရမည့် တစ်ပင်တည်းသောအပင်မှအသီးကို စားခဲ့သည် (က…
ဆီးနှင်းများက ဖန်တီးသောအနုပညာ
အိုဟိုင်းယိုးပြည်နယ် စင်စင်နာတီရှိ လက်လုပ်လက်စားရပ်ကွက်တွင် "Over the Rhine"တေးဂီတအဖွဲ့သည် တစ်နှစ်တာအတွင်း သူတို့မြို့လေး၏ပြောင်းလဲမှု အကြောင်းများကို ရေးသားစပ်ဆိုကြသည်။ ထိုအဖွဲ့၏တွဲဖက်တည်ထောင်သူ လင်းဖို့ဒက်ဝိုင်လာ က "နှစ်တစ်နှစ်ရဲ့ ပထမဆုံး နှင်းကျချိန်မှာ ထူးမြတ်တဲ့အရာ ဖြစ်လာနေသလို ခံစားရတယ်။ အသစ်တစ်ဖန် အစပြုသလိုမျိုးပေါ့။ မြို့ကြီးက တစ်ဖြည်းဖြည်း အရှိန်ကျလာပြီး တိတ်ဆိတ်မှု ကြီးစိုးလာတယ်"ဟု ရှင်းပြသည်။
နှင်းထူထပ်စွာကျခြင်းကို ကြုံခဲ့ဖူးလျှင် သီချင်းတစ်ပုဒ်မည်သို့ထွက်ပေါ် လာနိုင်သည်ကို သင်သဘောပေါက်လိမ့်မည်။ ဆီးနှင်းများက အမှိုက်နှင့် မွဲပြာ နေသောအရာများကို ဖုံးကွယ်လိုက်ရင်း ကြည်နူးဖွယ် ဆိတ်ငြိမ်အေးချမ်းမှုက တစ်လောကလုံးကို လွမ်းခြုံလိုက်သည်။ ထိုအချိန် တစ်ခဏလေးတွင် မှုန်မှိုင်း သော ဆောင်းရာသီ၏အငွေ့အသက်များ အသက်ဝင်လာကာ ၎င်းကို ခံစား ပျော်မွေ့ရန် ဖိတ်ခေါ်နေတော့သည်။
ယောဘ၏မိတ်ဆွေများထဲမှ ဘုရားကိုမှန်ကန်စွာရှုမြင်တတ်ရန် မစခဲ့သူ ဧလိဟုက ဖန်ဆင်းခြင်းအရာများသည် ကျွန်ုပ်တို့၏အာရုံကို ထိန်းချုပ်နိုင်စွမ်းရှိ ကြောင်း မိန့်ဆိုခဲ့သည်။…
ကူရာကယ်ရာမဲ့နည်းလမ်း
၁၇ နှစ်ရာစုနှောင်းပိုင်းက William of Orange (ဥရောပ ဘုရင်တစ်ပါး)သည် နိုင်ငံပိုင်မြေများကို တမင်ရေလွှမ်းမိုးပစ်ခဲ့သည်။ စပိန်တို့၏ကျူးကျော်မှုကို တွန်းလှန်ရန် ကြိုးစားသည့်အနေဖြင့် ဒတ်ချ်ဧကရာဇ်သည် မတတ်နိုင်သည့်အဆုံး အလွန်များပြားသည့် မြေဧရိယာကို ထိုသို့နှစ်မြှုပ်ပစ်ခြင်းဖြစ်သည်။ သို့သော် မအောင်မြင်ဘဲ အကောင်းဆုံးသော လယ်ယာမြေများ ပင်လယ်ထဲနစ်မြှုပ်ကုန်သည်။ “အန္တရာယ်ရှိတဲ့အချိန်မှာ ဒီနည်းလမ်းက အကောင်းဆုံးပဲပေါ့ ”ဟု ၎င်းတို့ပြောခဲ့သည်။
ပရောဖက်ဟေရှာယ၏ခေတ်ကလည်း အာရှုရိတပ်များက ခြိမ်းခြောက်လာသည့်အခါ ယေရုရှလင်မြို့သည် ကယ်ရာမဲ့အခြေအနေသို့ ရောက်ခဲ့သည်။ ရန်သူအဝိုင်းခံရချိန်၌ ခံရပ်နိုင်ရန် ရေသိုလှောင်သည့်စနစ်ကို တီထွင်လျက် အိမ်များကိုဖြိုဖျက်ပြီး မြို့ရိုးတစ်ထပ်ဆောက်ကြသည်။ ထိုဗျူဟာက လိမ္မာသော အကြံဖြစ်ကောင်းဖြစ်မည်။ သို့သော် အရေးကြီးဆုံးသောအဆင့်ကို သူတို့ လျစ်လျူရှုခဲ့သည်။ “ရေကန်ဟောင်းမှထွက်သော ရေစုဝေးရာကိုလည်း မြို့ရိုးနှစ်ထပ်စပ်ကြားတွင် လုပ်ကြလိမ့်မည်။ သို့ရာတွင် ဤအမှုကို စီရင်တော်မူသောသူကို သင်တို့သည် မကြည့်မမှတ်တတ်ကြ။ ရှေးက ဖန်ဆင်းတော်မူသောသူကို ပမာဏမပြုတတ်ကြ”(ဟေရှာ ၂၂:၁၁)ဟု ထာဝရဘုရားမိန့်တော်မူသည်။…
ဂယက်ထသော သက်ရောက်မှု
ဂါနာနိုင်ငံမြောက်ပိုင်းရှိ ကျမ်းစာကျောင်းငယ်လေးသည် အထင်ကြီးစရာ မရှိပါ။ သွပ်မိုး၊ ဘိလပ်မြေအုတ်တိုင်ကျောင်းဖြစ်ပြီး ကျောင်းသားလက်တစ်ဆုပ်စာမျှသာရှိသည်။ သည့်တိုင် ဘော့ဟေးစ် သည် ကျောင်းသားများအတွက် သူ့ဘဝကို ပုံအပ်ခဲ့သည်။ သူတို့ကို ခေါင်းဆောင်မှုတာဝန်များပေးအပ်ခဲ့ပြီး တစ်ခါတစ်ရံ ၎င်းတို့ တွန့်ဆုတ်သည့်ကြားမှပင် ဟောပြောရန်နှင့် သွန်သင်ရန် တိုက်တွန်းအားပေး ခဲ့သည်။ ဘော့ ကွယ်လွန်ခဲ့သည်မှာ နှစ်များစွာကြာခဲ့ပြီဖြစ်လည်း နှိမ့်ကျသော ထိုကျောင်းလေးမှ ကျောင်းဆင်းသွားသည့် ကျောင်းသူကျောင်းသားများအားဖြင့် အောင်မြင်သော အသင်းတော်များစွာ၊ စာသင်ကျောင်းများနှင့် ကျမ်းစာကျောင်း အသစ် နှစ်ကျောင်းတို့ ဂါနာနိုင်ငံတစ်ဝန်း၌ ပေါ်ပေါက်ခဲ့သည်။
အာတဇေရဇ်မင်း(၄၆၅-၄၂၄ ဘီစီ)အုပ်စိုးစဉ်ကာလ ပရောဖက်ဧဇရသည် ဣသရေလအကြီးအကဲများကို စုဝေးလျက် ယေရုရှလင်သို့ပြန်ခဲ့သည်။ သို့သော် ၎င်းတို့တွင် လေဝိသားတစ်ယောက်ကိုမျှ မတွေ့(ဧဇ ၈:၁၅)။ ယဇ်ပရောဟိတ်များ အဖြစ်အစေခံမည့် လေဝိသားများကို သူလိုအပ်သည်။ ထို့ကြောင့် သူသည် ခေါင်းဆောင်များအား “ငါတို့ဘုရားသခင့်အိမ်တော် အမှုစောင့်များကို ပေးစေခြင်း ငှာ” (:၁၇)…
စကားပြောခွင့်ရခြင်းဟူသည့် ခရစ္စမတ်လက်ဆောင်
ခွဲစိတ်မှုခံယူပြီးနောက် လေဖြတ်သွားသဖြင့် တောမ် စကားမပြောနိုင်တော့ပါ။ ပြန်လည်သန်စွမ်းရေးအတွက် ကာလကြာရှည်စွာ လေ့ကျင့်ခန်းပြုလုပ်ခဲ့ရသည်။ ရက်သတ္တပတ်များစွာကြာပြီးနောက် အသင်းတော်၏ကျေးဇူးတော်ချီးမွမ်းခြင်း အစီအစဉ်သို့ တောမ်ရောက်လာသောအခါ ကျွန်ုပ်တို့အံ့သြဝမ်းမြောက်ခဲ့ရသည်။ တစ်ဖန် သူထရပ်ပြီး စကားပြောသောအခါ ကျွန်ုပ်တို့ပို၍အံ့သြခဲ့ရပြန်သည်။ ပြောမည့်စကားလုံးများရှာနေရင်း ဗလုံးဗထွေးနှင့် ထပ်ခါတလဲလဲပြောသည်။ သူပြောလိုသည့် နေ့စွဲနှင့်အချိန်များလည်း ရောထွေးကုန်သည်။ သို့သော် သေချာသည်မှာ ဘုရားရှင်ကို သူချီးမွမ်းနေခြင်းဖြစ်သည်။ စိတ်မကောင်းဖြစ်ရသည့် တစ်ချိန်တည်းမှာပင် သူ့အားဖြင့် ကောင်းချီးဖြစ်သည်ဟု ခံစားရသည့် အခိုက်အတန့်လေးပါ။
ခရစ်စမတ်မတိုင်ခင် အဖြစ်အပျက်များတွင် စကားပြောနိုင်စွမ်းဆုံးရှုံးသွားသူတစ်ဦးအကြောင်းကို တွေ့ရသည်။ ကောင်းကင်တမန်ဂါဗြေလသည် ယဇ်ပရောဟိတ်ဇာခရိထံရောက်လာကာ သူသည် ကြီးကျယ်မြင့်မြတ်သော ပရောဖက်၏ဖခင်ဖြစ်လာမည့်အကြောင်း ပြောကြားသည် (လု ၁:၁၁-၁၇)။ သူတို့ဇနီးမောင်နှံမှာ အသက်ကြီးရင့်နေပြီဖြစ်သောကြောင့် ဇာခရိ သံသယစိတ်ဝင်ခဲ့သည်။ ထို့ကြောင့် ဂါဗြေလက ထိုသားမမွေးမီအချိန်တိုင်အောင် စကားပြောနိုင်မည်မဟုတ်ဟု သူ့အား မိန့်ကြားခဲ့သည် (:၂၀)။
ကောင်းကင်တမန်ပြောသည့်အတိုင်း အံ့သြဖွယ်ရရှိလာသည့် ကလေးငယ်၏ နာမည်ပေးကင်ပွန်းတပ်ပွဲတွင်မှ ဇာခရိ…
ကျွန်ုပ်အတွက်နေရာ
အပြောအဆိုကြမ်းတမ်းသော သက်ကြွယ်စစ်မှုထမ်းဟောင်းတစ်ဦးရှိပါသည်။ တစ်နေ့တွင် သူ့အပေါ်ဂရုတစိုက်ရှိသည့် မိတ်ဆွေတစ်ဦးက သူ၏ဝိညာဉ်ရေး ယုံကြည်ခြင်းအခြေအနေကို မေးမြန်းစူးစမ်းရာ၊ “ကျွန်တော့်လို လူမျိုးအတွက် ဘုရားသခင်ဆီမှာ နေရာမရှိပါဘူး” ဟု ထိုပုဂ္ဂိုလ်က စိတ်အားငယ်စွာဖြင့် အလျင်အမြန် ပြန်ဖြေသည်။
ဤအဖြေက ထို “လူကြမ်းကြီး” ပြောလေ့ပြောထရှိသောစကားဖြစ်ကောင်းဖြစ်မည်။ သို့သော် သူ၏စကားသည် အလုံးစုံမမှန်ပါ။ ထာဝရဘုရားသည် ကြမ်းတမ်းသူ၊ အပြစ်၌ပျော်မွေ့သူ၊ အပယ်ခံရသူတို့ကို ပိုင်ဆိုင်ပတ်သက်လိုပြီး သူ၏အသိုက်အဝန်းထဲသို့ သွတ်သွင်းလိုသည်။ သခင်ခရစ်တော်၏အမှုတော် စတင်ချိန်၌ တပည့်တော်များကို ရွေးကောက်ရာတွင် ဤအချက်ကို ထင်ရှားစွာ တွေ့နိုင်သည်။ “ဆင်းရဲစွာ အသက်မွေးရသူ” ဟု ယေရုရှလင်မြို့သားများ သတ်မှတ်ထားသည့် ဂါလိလဲအိုင်မှတံငါသည်များကို သူ၏တပည့်တော်အဖြစ် ကိုယ်တော်က ရွေးချယ်ခဲ့သည်။ အဖိနှိပ်ခံပြည်သူများအား ခြိမ်းခြောက်၍ အခွန် ကောက်ခံသူ မဿဲကိုလည်း ရွေးချယ်ခဲ့သည်။ ထိုမျှမက သခင်ခရစ်တော်သည် ‘ဇေလုပ်’ ဖြစ်သည့် ‘အခြား’သော ရှိမုန်ကိုလည်း ရွေးချယ်ခဲ့သည်…